Ferran Torres növbəti bəxtsizliklə üzləşib.

“Barselona”nın yarımmüdafiəçisi yenə zədələnib. O, La Liqanın 18-ci turunun “Atletiko” ilə oyununda əzələsindən zədə alıb.

Tibbi müayinədən sonra 24 yaşlı oyunçunun durumunun ciddi olmadığı məlum olub. Lakin Torres İspaniya kubokunun 1/16 finalının “Barbastro” ilə oyununda (4 yanvar) komandasına kömək edə bilməyəcək. Onun İspaniya Superkubokunun yarımfinalında “Atletik”ə qarşı matçda (8 yanvar) iştirakı da şübhə altındadı.

Torres bu mövsüm bütün turnirlərdə 16 matça çıxıb, 5 qol vurub və 2 məhsuldar ötürmə edib.