“Sent-Ceyms Park” genişləndiriləcək

“Nyukasl” ev oyunlarını keçirdiyi “Sent-Ceyms Park”ı genişləndirmək niyyətindədi.

Klub bununla bağlı planlarını 2025-ci ilin əvvəlində həyata keçirməyi düşünür. Stadionun “Qallou Qeyt” adlandırılan tribunasının təkmilləşdirilməsi, bununla da ümumi tutumun təxminən 65 min nəfərə çatdırılması planlaşdırılır.

Genişləndirmə prosesi bitəndən sonra “Sent-Ceyms Park” İngiltərə premyer-liqasında ikinci ən böyük stadion olacaq. Hazırda ən böyük arena “Mançester Yunayted”in ev oyunlarını keçirdiyi “Old Trafford”du (74310 tamaşaçı). “Sent-Ceyms Park"ın genişləndirilməsinin təxmini xərcləri 800 milyon - 1 milyard funt sterlinq arasında qiymətləndirilir.

Rəhbərlik yeni stadionun tikintisini də nəzərdən keçirir. Bu isə 2-3 milyard funt sterlinqə başa gələ bilər.