Qadınlar arasında dünya çempionatının vaxtı müəyyənləşib. 2027-ci ilə təyin olunan mundialın Braziliyada təşkil ediləcəyi məlum idi.

Bununla bağlı qərar bir neçə ay əvvəl FİFA-nın Taylandın paytaxtı Banqkokda keçirilən 74-cü konqresində verilmişdi.

Onu da xatırladaq ki, Braziliya təşkilatçılıq hüququ uğrunda mübarizədə mundiala şərikli evsahibliyi etmək istəyən Avropanın üç ölkəsinə - Niderland, Belçika və Almaniyaya qalib gəlib. FİFA-nın Şurası mundialın 2027-ci il 24 iyun – 25 iyul aralığında təşkil ediləcəyini təsdiqləyib.

Yarışda 32 komanda iştirak edəcək. İştirakçılardan 28-i final turnirinə seçmə mərhələ vasitəsilə vəsiqə qazanacaq. Braziliya mundialda ev sahibi kimi oynamaq hüququ qazanıb. Qalan 3 komanda isə pley-off oyunlarından sonra müəyyənləşəcək.

Xatırladaq ki, Yeni Zelandiyada 2023-cü ildə keçirilən qadınlar arasında dünya çempionatının qalibi İspaniya yığması olub.