''Qalatasaray''ın transfer etmək istədiyi futbolçunun xroniki zədəsi var imiş
''Qalatasaray''ın bu qış Viktor Nelssonla yollarını ayıraraq onun yerinə heyətinə qatmaq istədiyi PSJ-li Milan Şkrinyar ilə bağlı yeni xəbər var.
İstanbul nəhəngi danışıqlar prosesini dayandırmalı olub. Belə ki, təcrübəli slovakiyalı müdafiəçinin belində xroniki zədə olduğu üzə çıxıb. Rəhbərlik PSJ-dən Şkrinyarın xroniki zədəsinin olmadığını sübut edən bir tibbi müayinə raportu tələb edib. Şkrinyarın təmsilçilərindən biri türkiyəli FİFA meneceri Mithat Halisdi. O da açıqlamasında yayılan şayiələri təsdiqləyərək bunları deyib:
"Şkrinyar hələ ''İnter''dəki son mövsümündə ciddi bir zədə almışdı. Hələ də həmin zədə onu narahat edir. Ona görə də əvvəlki qədər sürətli hərəkətlər etməkdə, oyunun gedişində geriyə doğru hərəkət etməkdə bir qədər çətinlik çəkir. PSJ-də bu mövsüm yetərli qədər şans qazana bilməməsinin də səbəbi məhz budu. Yoxsa, Şkrinyar sağlam olduqda dünyanın ən güclü müdafiəçilərindən biridi və dəyəri də 100 milyon avrodu. Amma PSJ-də oynaya bilməyən futbolçu ''Qalatasaray''da da oynaya bilməz. PSJ böyük klubdusa, ''Qalatasaray'' da böyük klubdu''.
ƏLİ
Digər xəbərlər
