Kriştiano Ronaldo FİFA-nın “The Best” mükafatının səsverməsində iştirak etməyib.

39 yaşlı hücumçu səs verməkdən imtina edib. Onun əvəzinə səsvermədə Portuqaliya yığmasının və “Mançester Siti”nin yarımmüdafiəçisi Bernardo Silva iştirak edib. O, 2024-cü ilin ən yaxşı oyunçusu mükafatını müəyyənləşdirən səsvermədə yarımmüdafiəçi komanda yoldaşı Rodrini 1-ci, Vinisius Junioru (Real) 2-ci, Erlinq Holannı (Mançester Siti) isə 3-cü yerə layiq bilib. Qeyd edək ki, 2024-cü ilin ən yaxşı futbolçusu Vinisius Junior seçilib.

Yeri gəlmişkən, Ronaldo ötən il də “The Best”in səsverməsini boykot etmişdi. Onun əvəzinə artıq karyerasını başa vuran müdafiəçi Pepe səs vermişdi.