Ronaldo səsverməni boykot edib

Kriştiano Ronaldo FİFA-nın versiyasına görə, 2023-cü ilin ən yaxşı futbolçunun seçilməsi üçün keçirilən səsvermədə iştirak etməyib.

"Football-plus.az" xəbər verir ki, “Əl-Nəssr”in və Portuqaliya millisinin hücumçusunun əvəzinə “Portu”nun müdafiəçisi Pepe səs verib. O isə “Mançester Siti”dən Bernardo Silvanı 1-ci, bu komandanın hücumçusu Erlinq Holannı 2-ci, “Napoli”nin hücumçusu Viktor Osimheni isə 3-cü yerə layiq bilib.

Xatırladaq ki, “İnter Mayami”nin argentinalı hücumçusu Lionel Messi FİFA-nın sorğusunda 1-ci yeri tutub.