Səfərdə “Monreal”ı məğlub edən “Vaşinqton” MHL-in unikal rekordlarından birini təkrarladı.

Belə ki, “Kepitalz” ardıcıl 9-cu səfər oyununda qalib gəldi. Tarixə 21-ci əsrdə bunu bacaran 2-ci, MHL-in keçirildiyi dövrdə isə 3-cü komanda kimi düşdü. Əvvəllər “Baffalo” (1983/84 mövsümündə ardıcıl 10 səfər qələbəsi) və “Los-Anceles” (2023/24 mövsümündə 9 qələbə) belə uğurlu seriya yaxalayıb.

Bu arada MHL komissarı Qeri Bettmen maraqlı açıqlama verib. O və Ueyn Qrestki “Vaşinqton”un kapitanı Aleksandr Oveçkinin əfsanəvi kanadalının rekorduna çatmağa 4 qol qalmış bütün oyunlarda müşayiət edəcək. Bettmen bu açıqlamanı jurnalist Tarik Əl-Bəşirə verib.

Xatırladaq ki, müntəzəm çempionatlarda 894 qol vuran Qretski karyerasını 1999-cu ildə bitirib. Oveçkin 890-cı qolu vurandan sonra o və Bettmen “Vaşinqton”un bütün oyunlarında iştirak edəcək. Rusiyalı ulduz noyabrın 20-də “Yuta”nın forvardı Con Makbeynlə toqquşaraq uzun müddətə sıradan çıxıb. Onun ən azı 6 həftə meydana çıxmayacağı bildirilir. Düzdü, Ovi dekabrın 2-də məşqlərə başlamaqla çoxlarını təəccübləndirib.

Aleksandr cari mövsümdə keçirdiyi 18 oyunda 15 qol vurub, 7 məhsuldar ötürmə verib. MHL karyerasında artıq 868 dəfə fərqlənən ulduz Qretskiyə çatmaq üçün daha 26 qol vurmalıdı.

7 dekabr
Nyu-Cersi – Sietl 3:2 (1:1, 1:1, 1:0)
Toronto – Vaşinqton 1:3 (0:0, 1:1, 0:2)
Reyncers – Pittsburq 4:2 (0:0, 2:1, 2:1)
Anahaym – Minnesota 1:5 (0:0, 0:3, 1:2)
Vankuver – Kolambus 5:2 (0:2, 2:0, 3:0)
Veqas – Dallas 3:2 (1:0, 2:1, 0:1)
Boston – Filadelfiya 4:3 ОТ (0:2, 1:1, 2:0, 1:0)
Baffalo – Yuta 2:5 (1:0, 0:3, 1:2)

8 dekabr
Çikaqo – Vinnipeq 2:4 (2:1, 0:1, 0:2)
Aylenders – Karolina 4:3 (0:1, 4:1, 0:1)
Florida – San-Xose 3:1 (1:0, 2:0, 0:1)
Detroyt – Kolorado 1:2 (0:1, 1:1, 0:0)
Monreal – Vaşinqton 2:4 (2:0, 0:1, 0:3)
Ottava – Neşvill 3:1 (0:0, 2:0, 1:1)
Pittsburq – Toronto 5:2 (2:1, 0:1, 3:0)
Los-Anceles – Minnesota 4:1 (1:0, 1:0, 2:1)
Edmonton – Sent-Luis 4:2 (1:0, 2:0, 1:2)
Reyncers – Sietl 5:7 (1:0, 2:4, 2:3)

9 dekabr
Vankuver – Tampa-Bey 2:4 (1:0, 0:2, 1:2)
Ottava – Aylenders 2:4 (1:2, 1:0, 0:2)
Vinnipeq – Kolambus 1:4 (0:0, 1:1, 0:3)
Nyu-Cersi – Kolorado 0:4 (0:2, 0:1, 0:1)
Filadelfiya – Yuta 2:4 (0:0, 2:3, 0:1)
Dallas – Kalqari 6:2 (1:1, 1:1, 4:0)