“Florida” cari mövsümdə səfər oyunlarında inamlı təsir bağışlayır.

"Football-plus.az" xəbər verir ki, Pol Morisin çalışdırdığı komanda srağagün “Neşvill”i 4:1 hesabıyla məğlub etməklə ardıcıl səfər qələbələrinin sayını 6-ya çatdırdı. Bu isə “Panters” üçün klub rekordunun təkrarlanması deməkdi. “Florida” 2015/16 mövsümündə də ardıcıl 6 səfər oyununda qələbə qazanmağı bacarmışdı.

Müasir MHL-in ən parlaq ulduzlarından olan Sidni Krosbi qocalmaq bilmir. “Pittsburq”un kapitanı komandasının “Arizona”ya 2:5 uduzduğu oyunda MHL karyerasındakı 577-ci qolu vurdu. 36 yaşlı kanadalı cari mövsümdə 44 oyunda 48 (27+21), müntəzəm çempionatlarda isə 1234 oyunda 1550 (577+973) xal toplayıb.

Krosbi liqa tarixinin snayperləri siyahısında Mark Rekki (1652 oyunda 577 şayba) ilə birgə 21-ci yeri bölüşür. 20-ci pillədə qərarlaşan Yari Kurrinin hesabında 601 qol (1251 oyunda) var.

Dünən “Kolambus”u məğlub edən “Edmonton” MHL tarixinə ardıcıl 14 qələbə qazanan 6-cı komanda kimi düşdü. “Neftçilər”ə qədər 14 və daha artıq qələbədən ibarət seriya yaxalayan komandalar bunlardı: “Pittsburq” (1992/93 mövsümündə 17 qələbəlik iki seriya, 2012/13 mövsümündə ardıcıl 15 qələbə), “Kolambus” (2016/17 mövsümündə 16 qələbəlik seriya), “Aylenders” (1981/82 mövsümündə ardıcıl 15 qələbə), “Boston” (1929/30 mövsümündə ardıcıl 14 qələbə), “Vaşinqton” (2009/10 mövsümündə ardıcıl 14 qələbə).

23 yanvar
Boston – Vinnipeq 4:1 (2:1, 0:0, 2:0)
Nyu-Cersi – Veqas 6:5 ОТ (2:1, 2:4, 1:0, 1:0)
Neşvill – Florida 1:4 (0:0, 1:1, 0:3)
Arizona – Pittsburq 5:2 (1:0, 2:2, 2:0)
Vankuver – Çikaqo 2:0 (2:0, 0:0, 0:0)
Los-Anceles – San-Xose 3:4 Б (0:0, 1:2, 2:1, 0:0, 0:1)
24 yanvar
Detroyt – Dallas 4:5 (2:1, 0:4, 2:0)
Monreal – Ottava 1:4 (0:2, 0:1, 1:1)
Filadelfiya – Tampa-Bey 3:6 (0:2, 2:2, 1:2)
Aylenders – Veqas 2:3 (0:1, 1:2, 1:0)
Minnesota – Vaşinqton 5:3 (2:0, 1:1, 2:2)
Kalqari – Sent-Luis 3:4 (1:0, 2:2, 0:2)
Edmonton – Kolambus 4:1 (1:1, 0:0, 3:0)
Anahaym – Baffalo 4:2 (1:0, 2:0, 1:2)
San-Xose – Reyncers 3:2 ОТ (0:1, 0:1, 2:0, 1:0)