“Dinamo” hesabat turunda “Kolos”un qonağı oldu. Çətin hava şəraitində, dumanın müşayiəti ilə keçən oyunda kiyevlilər xal itirdi. Təsadüfi deyil ki, ilk yarıdakı qolların hər biri uzaq məsafədən zərbə ilə vuruldu. 2-ci hissə “Dinamo”nun aşkar üstünlüyü şəraitində keçsə də, “Kolos” heç-heçəni qoruya bildi.

“Şaxtyor” isə əsas rəqibinin büdrəməsindən yararlanmağı bacarmadı. Donetsklilərin “Rux”la qarşılaşması heç-heçə bitdi. PSV ilə ÇL oyununda olduğu kimi, bu dəfə də qələbə uzatma dəqiqələrində əldən verildi. 90+2-ci dəqiqədə Didık “Rux”a xal qazandıran qolu vurdu.

“Çernomrets”i darmadağın edən “Aleksandriya” həm məğlubiyyətsiz oyunlar seriyasını 19-a çatdırdı (ötən mövsümü də nəzərə almaqla), həm də zirvəyə şərik oldu. Maraqlıdı ki, növbəti turda məhz liderlər üz-üzə gələcək.

Qalan oyunlara gəlincə, “İnqulets” mövsümdə ilk qələbəsini “Vorskla” üzərində qazandı. “Levıy bereq” 907 dəqiqəlik “quru” seriyadan sonra, nəhayət, rəqib qapısına yol tapdı. Düzdü, bu qol “Obolon”la oyunda yalnız heç-heçə üçün kifayət etdi.

“Krivbass” “Polesye” üzərində inamlı qələbə qazanmaqla bu rəqibi 4-cü pillədən sıxışdırdı. Ardıcıl 6-cı oyunda qələbəyə həsrət qalan jitomirlilərin heyətində Emil Mustafayev meydana çıxsa da, heç nə ilə yadda qalmadı. Səfərdə LNZ-yə qalib gələn “Veres” məğlubiyyətsiz oyunlar seriyasını 9-a çatdırdı. Turun dünən keçirilən son oyununda “Zarya” “Karpatı”ya qalib gəldi.

15-ci tur
Kolos – Dinamo 1:1
Alefirenko, 33 – Brajko, 5.
Dinamo: Buşan, Dubinçak (Popov, 79), Dyaçuk, Mixavko, Tımçik, Braqaru (Kabayev, 46), Brajko, Buyalski (Salenko, 90+1), Voloşin, Rubçinski, Gerrero (Vanat, 72).
Şaxtyor – Rux 1:1
Matviyenko, 23 – Didık, 90+2.
Şaxtyor: Riznık, Bondar, Konoplya, Matviyenko, Pedro Enrike, Bondarenko, Pedrinyo (Neverton, 88), Sudakov, Kevin (Eginaldo, 71), Qomes (Krıskiv, 71), Sikan (Traore, 70).
Aleksandriya – Çernomorets 3:0
Vaşenko, 16. Kostışin, 79. Kozak, 90+1.
Vorskla – İnqulets 0:3
Losenko, 1. Pyatov, 14. Belotserkoves, 90+3.
Levıy bereq – Obolon 1:1
Yakimov, 90+5 – Dubko, 45.
Krivbass – Polesye 3:1
Tverdoxleb, 11; 73; 86 – Qutsulyak, 63.
LNZ – Veres 1:2
Yaşari, 27 – Luan, 39-p.; 76.
Zarya – Karpatı 2:1
Miçin, 69; 80 – Poleqenko, 20-p.

1. Dinamo 14 11 3 0 33-11 36
2. Aleksandriya 14 11 3 0 25-8 36
3. Şaxtyor 14 9 3 2 38-13 30
4. Krivbass 14 7 4 3 17-12 25
5. Polesye 14 6 5 3 22-14 23
6. Karpatı 15 6 4 5 17-19 22
7. Veres 15 4 7 4 17-18 19
8. Rux 14 4 7 3 18-10 19
9. Zarya 15 6 1 8 16-19 19
10. LNZ 15 5 3 7 16-22 18
11. Vorskla 15 4 4 7 14-21 16
12. Kolos 15 2 8 5 9-12 14
13. Çernomorets 15 3 3 9 9-20 12
14. Obolon 15 2 4 9 7-28 10
15. Levıy bereq 15 2 4 9 5-19 10
16. İnqulets 15 1 6 8 12-29 9

Bombardirlər: Bondarenko (Şaxtyor), Qutsulyak (Polesye) – 8.