“Macarıstanla oyunlardan öncə favorit sayılmağımız müsbət haldı. Macarıstan 6 ildi eyni məşqçinin başçılığı altında oynayır. Cari turnirdə də zatən A liqasında oynamışdılar. Martda futbolçuların yığmaya hansı durumda gəlməsindən çox şey asılı olacaq. Nə olur-olsun, öz oyunumuzdan vaz keçməyəcəyik. Son Avropa çempionatında 8 qolumuzdan 7-ni fərqli futbolçular vurdu. Yəni hər kəsin qol vura biləcəyi bir komanda formalaşdırmaq istəyirəm. Komandamızdakı oyunçuların özəllikləri və texniki bacarıqları hamıya bəllidi. Monteneqro ilə qarşılaşmada fiziki gücə əsaslanan futbola üstünlük versəydik, öz oyun dəst-xəttimizdən imtina etmiş olacaqdıq. Oyunsonrası açıqlamalarımda da bunu dilə gətirmək istəmişdim. Sadəcə, həmin oyunda əvvəlcədən planlaşdırılması mümkün olmayan şərtlər olduğu üçün istədiyimiz nəticəni qazana bilmədik. Dünya çempionatının seçmə mərhələsində asan rəqiblərlə qarşılaşmayacağıq. İnkişaf etməkdə davam edəcəyik. Birliyimizi pozmamalıyıq. Yeganə hədəf mundiala vəsiqə qazanmaq olmalıdı. Bu komanda 22 ildi DÇ-lərdə iştirak etmir. Oyunlara ən yaxşı şəkildə köklənəcəyik. Final mərhələsində mütləq yer almalıyıq. Arda Gülər rəqabətin ən yüksək olduğu bir komandada özünə yer etməyə çalışır. Son dönəmlərdə onun həm işə yanaşma, həm də xarakter baxımından çox inkişaf etdiyini görmək olar. Mübarizə aparmağın nə demək olduğunu öyrənib. Ona görə də “Real”da qarşıdakı dönəmlərdə daha çox şans qazanacağına inanıram. Mourinyonun Türkiyə çempionatındakı futbolu tənqid etməsi haqda nə düşünürəm? Həqiqətən də Türkiyədə texniki cəhətdən yüksək səviyyədə olan oyunlar izləyə bilmirik. Məsələn, İngiltərədə belə oyunları çox izləyirik. Müqayisə etsək, Türkiyədəki oyunlar İspaniyanın ortabab klublarının oyunları kimi keçir. Türkiyə ilə digər ölkələr arasındakı fərqi göstərmək üçün bu misalı çəkdim”.