Millətlər Liqasında B liqasının 4-cü qrupunda yer alan Türkiyə bu turnirdə növbəti oyununu keçirdi.

Qardaş ölkənin komandası Samsunda Monteneqronu qəbul etdi. Qonaqlar uzun müddət yaxşı müdafiə olunsalar da, xal qazana bilmədilər.

İkinci hissədə meydana çıxan İrfan Can Kahvecinin 69-cu dəqiqədə vurduğu qol oyunda yeganə oldu. Beləliklə, Türkiyə qrupda 3-cü oyundan sonra xalını 7-yə yüksəldərək vahid liderliyi ələ keçirdi.

Maraqlıdı ki, ''ay-ulduzlular'' Vinçentso Montellanın dönəmində 16-cı oyunu keçirsələr də, doğma fanatlar önündə cəmi 3-cü qarşılaşmaya çıxdılar. Türkiyə bu 3 ev oyunun hər birindən qələbə ilə ayrılıb (Latviya 4:0, İslandiya 3:1, Monteneqro 1:0).

Beləliklə, Montella Türkiyə yığması tarixində ilk 3 ev oyununun hər birindən qələbə ilə ayrılan ilk məşqçi oldu.

ƏLİ