"Dinamo" Romao üçün 2,5 milyon avro təklif etdi - "Qarabağ"ın cavabı gecikmədi
"Qarabağ"ın ÇL-in pley-offundakı rəqibi "Dinamo" heyətini yarımmüdafiəçiylə gücləndirmək niyyətindədi.
"Football-plus.az" "germanijak.hr" saytına istinadla xəbər verir ki, Xorvatiya təmsilçisi bu məqsədlə "köhlən atlar"ın qapısını döyüb. Xorvatlar Zaqrebdə keçirilən "Dinamo" - "Qarabağ" matçından (3:0) sonra klub rəsmilərinə Julio Romao ilə maraqlandıqlarını bildiriblər.
Portalın iddiasına görə, "mavilər" Romao üçün 2,5 milyon avro təklif etsə də, ağdamlıların cavabı onları şoka salıb. Belə ki, "Qarabağ" futbolçusu üçün qarşı tərəfdən azı 5 milyon avro tələb edib.
"Germanijak.hr" mövzunu belə şərh edir:
"Qarabağ"ın bütün futbolçuları çox bahadı. Onlar Juninyoya gələn 7 və 8 milyon avroluq təklifləri də qəbul etməyib. Baxmayaraq ki, "Transfermarkt" bu komandanın üzvlərini aşağı qiymətə dəyərləndirir. "Qarabağ" isə məhz meydanda göstərilən oyuna önəm verir".
KƏNAN BAHADIR
