“Hesab edirəm ki, qrup və təqvim bizim üçün münasibdi. Ən vacibi odu ki, özümüz güclü, mübariz kollektiv formalaşdıra bilək. Təqvimə baxanda görürük ki, hazırlıq üçun yetərincə vaxt var. İlk oyunda güc baxımından bizə yaxın olan İslandiya ilə qarşılaşmağımızı müsbət hal kimi dəyərləndirmək olar. Düzdü, ilk matçı doğma azarkeşlər önündə keçirmək daha yaxşıdı. Millimiz yarışa İslandiya səfərində başlayacaq ki, bu, ev sahiblərinin xeyrinə ola bilər. Üstəlik komandamızı uzaq İslandiya səfəri gözləyir. Ordan qayıdandan sonra Ukraynanı qəbul edəcəyik. FIFA iki oyun arasında komandalara əlavə bir gün vaxt verib. Bu da Ukrayna ilə görüşə daha yaxşı hazırlaşmaq imkanı verəcək. Noyabrdakı son iki matçın evdə olacağını nəzərə alsaq, deyə bilərik ki, təqvim bizim üçün heç də pis qurulmayıb. Hamımız millimizi 5 komandalı qrupda görmək istəyirdik. Ancaq 4 komandalı qrupdakı rəqiblər də bizim üçün pis deyil. Fransanı saymasaq, tənəzzül dövrünü yaşıyan Xorvatiya, Ukrayna və İslandiya görürük. Onların hər birinə qarşı layiqincə mübarizə aparmaq mümkündü. Ümumilikdə bizdən heç də üstün olmayan İslandiyanı qabaqlaya və ilk dəfə qrupda 3-cü yeri tuta bilərik”.