“Güclülərlə düşəcəyimiz məlum idi. İndi elə dönəmdi ki, futbolçuların bəzilərinin yaşı 30-dan yuxarıdı. Yığmada tam heyət yoxdu. Fernando Santuş gərək Millətlər Liqasında heyəti dəqiqləşdirəydi. Bəlkə də dəqiqləşdirib. Bunu deyə bilmərəm. Axırıncı oyunlarda da yaxşı oyun nümayiş etdirmirdik. Heyət tez-tez dəyişirdi. Gənc futbolçularımız da yaxşı formada deyil ki, nəsə etsinlər. Santuş neçə aydı burdadı, artıq Azərbaycan futbolunu bilir. Görək heyəti necə quracaq? Əsas budu. Kiminlə oynayacağımız fərq etməz. Əsas odu ki, heyətimiz yaxşı formada olsun və uğurlu futbol oynayaq. Bütün rəqiblərlə oynamaq olar. Biz hazırıq, ya yox? Oyunçular klublardan gəlir. Yığmanın məşqçiləri klublarla sıx əlaqədə olmalıdı. Daha gərgin oyunlar çox olmalıdı. Santuş heyəti gəncləşdirmək istəyir. Yığmaya uğurlar arzulayıram. İstəyirik ki, yığmamız yaxşı oyun nümayiş etdirsin. Qrupda zəif rəqib yoxdu”.