Talişkanın meneceri ''Fənərbaxça'' haqda nə dedi?
''Fənərbaxça'' ''Əl-Nəsr''in ulduzu Anderson Talişkanı transfer etmək üçün danışıqları davam etdirir.
Bir çox mənbələrin iddiasına görə danışıqlarda artıq bir xeyli məsafə qət olunub və proses uğurlu şəkildə davam edir. Bunu sübut edən daha bir məqam Talişkanın menecerinin son açıqlamasıdı. Buna qədər nə 30 yaşlı braziliyalı, nə də onun meneceri Karlos Leyte ''Fənərbaxça''nın adını çəkirdi. Onlar bütün şayiələri təkzib edirdilər. Amma Karlos Leyte ilk dəfə ''sarı-lacivərdlilər''in adını çəkərək komandanın Talişkaya marağını təsdiqləyib:
''Fənərbaxça'' yanvarda Talişkanı transfer etməyə çalışır. Bəli, bu, doğrudu. Ancaq anlaşma əldə olunması ilə bağlı bütün xəbərlər yanlışdı. Çünki ortada hələ heç bir anlaşma yoxdu''. Bir müddət öncə ''Qalatasaray''ın da Talişkaya maraq göstərməsi haqda xəbərlər peyda olmuşdu. Türkiyədə daha öncə ''Beşiktaş''da oynamış təcrübəli futbolçu bu mövsüm ''Əl-Nəsr''də 19 rəsmi oyuna çıxaraq 8 qol vurub.
ƏLİ
Digər xəbərlər
