''Əsas sual budu ki, ''Fənərbaxça'' Talişkaya o maaşı verməlidimi? Hamımız Talişkanı ''Beşiktaş''dan gözəl xatırlayırıq. İndi hansı formada olduğunu bilmirəm. Düzdü, yaşı elə də yüksək deyil. Amma illik 13 milyon avro həddən artıq çoxdu. Belə şeylər komandada ab-havanı, tarazlığı poza bilər. Türkiyədə nəhənglər də daxil olmaqla bu cür maaş ödəməyə qadir olan klubun olduğunu düşünmürəm. Digər tərəfdən ''Fənərbaxça'' Talişkanı transfer etdikdə xal fərqi neçə olacaq? Ona da baxmaq lazımdı. ''Fənərbaxça'' növbəti oyunlarda daha bir dəfə uduzub 3 xal da itirsə, çempionluq şansı qalmayacaq. Belədə Talişkaya da ehtiyac olmayacaq. ''Fənərbaxça''nın məncə, indi başqa daha vacib problemləri var. Yeni vinger və forvard lazımdı. ''Forvard yoxdu'' dedikdə mən superliqaya ağırlığını qoya və komandanı irəli daşıya biləcək forvard nəzərdə tuturam. Ərəblərin Ən-Nəsiriyə görə 32 milyon avro təklif etdiyi deyilir. Bu, həqiqi təklifdisə, Ən-Nəsirinin yanına bir oyunçunu da paketləyib göndərsinlər! Yəni Türkiyədə oynayan bir futbolçu üçün 32 milyon avroluq təklif gəlirsə, heç düşünməyə belə dəyməz. Dediyim kimi yanına başqa oyunçu da qoşub dərhal göndərsinlər''.