“Komandada olduğum vaxt ərzində...” – Muradov “Şamaxı”da gördüklərindən danışdı
Bilindiyi kimi, Adil Nağıyevlə Georgi Kantariyanın adı danışılmış oyunlarda hallanır. Həmçinin “Şamaxı”nın sabiq üzvlərinin məhz bu üzdən komandadan uzaqlaşdırıldığı iddia olunur.
İndiyə qədər hər iki oyunçu yayılan xəbərlər haqda danışıb və həm Adil, həm də Kantariya ayrılığı intizamsızlıq və münaqişələr ilə əlaqələndirib.
Xatırlayırsızsa, bir neçə gün əvvəl İlkin Muradov məhz bu səbəbdən “Şamaxı”dan ayrılıb. Görəsən, o, futbolçuların dedikləriylə razıdımı? Sabiq komanda yoldaşları haqda nə düşünür?
“Football-plus.az” bu suallarla İlkinə müraciət etdi. Onun cavabı:
“Düşərgədən ayrıldığım gündən sonra başverənlərdən xəbərdar deyiləm. Nə olubsa, xəbərim yoxdu. Komandada olduğum vaxt ərzində hansısa problem görməmişəm. Həm Kantariyanın, həm də Adilin dalaşmasına şahidlik etməmişəm. Təbii ki, kiçik anlaşmazlıqlar hər yerdə ola bilər. Amma işin bu yerə çatmasına səbəb olacaq qədər ciddi hadisə baş verməyib. Heç kimin haqqına girmək istəmirəm. Onu deyə bilərəm ki, bütün oyunlarda qələbə qazana bilmək üçün əlimizdən gələni etdiyimizə inanıram”.
KƏNAN BAHADIR
Digər xəbərlər
