“Şamaxı”da yaşananlara PFL nə reaksiya verdi? – rəsmi açıqlama
Adil Nağıyevlə Georgi Kantariyanın “Şamaxı”dan göndərilməsi aləmi qatıb.
İddialara görə, hər iki oyunçu danışılmış oyunlarda iştirak edib. Hətta bir neçə gün öncə İlkin Muradovun ayrılmasının da bu prosesin tərkib hissəsi olduğu deyilir. Təbii ki, premyer-liqa klubunun adı ətrafında belə söhbətlər dolaşması yaxşı hal deyil. Üstəlik ölkədaxili yarışları təşkil edən Peşəkar Futbol Liqasının adına və imicinə də xələl gəlir.
Bəs PFL bu məsələyə aydınlıq gətirmək yönündə hansısa tədbir görübmü? Klubla maraqlanıbmı ki, futbolçular hansı səbəbdən qovulub?
PFL-iin texniki-idman şöbəsinin direktoru Elgiz Abbasovun “Football-plus.az”a cavabı belə oldu:
“Məsələ ilə bağlı müraciətinizə cavab olaraq bildirirk ki, bu mövzu ilə əlaqədar AFFA-nın Oyunların Toxunulmazlığı Komissiyasına müraciət edə bilərsiz".
RÖYANƏ OĞUZ
