“Düzü, hələ də bəzi məsələlər haqda suallara cavab verə bilməyəcəm. Bəli, siz jurnalistsiz, mən isə klub rəsmisi. Təbii ki, mənə sual ünvanlayanda konkret cavab verməliyəm. Bunu həmişə məmnuniyyətlə etmişəm. İndi isə məsələ fərqlidi. Yalnız ümumi mənzərə haqda danışmaq mümkündü. İlkin Muradovdan başlayaq. Məlum olduğu kimi, onunla müqaviləyə qarşılıqlı razılıq əsasında xitam verildi. Bununla bağlı həm baş məşqçimiz Ayxan Abbasov, həm də futbolçunun özü açıqlama verdi. Məncə, İlkinlə bağlı hər şey aydındı. Adil Nağıyev və Georgi Kantariya ilə müqayiləyə də xitam verildi. Burda məsələ qarşılıqlı razılığın olub-olmamasıyla bağlıdı. Qısası, Adil və Georgi komandadan uzaqlaşdırılıb. Konkret səbəblər haqda hələ ki açıqlama verilməyəcək. Yenidən xahiş edirəm ki, media nümayəndələri bizi anlayışla qarşılasın. Bizə zaman lazımdı. Ümumiyyətlə, hazırda “Şamaxı” ilə bağlı versiyalar çoxdu. Bəzən mətbuatda yayılan xəbərləri oxuyarkən qəhqəhə çəkirəm. Məsələn yazırlar ki, “Şamaxı” maliyyə böhranı yaşayır. Ötən mövsümdən qalan borclar öz yerində. Amma həmin xəbəri oxuyanda artıq komanda üzvlərinin noyabr ayı üçün maaşı ödənilmişdi”.

“Zamanla bütün məsələlər yerbəyer olacaq. Bunu hamımız başa düşməliyik. Yenə deyirəm, hər şeyi zaman göstərəcək”.