Kiçik Boros və sakitlik... – “Qarabağ”a İsveçdə kim “xoş gəldin” deyib?
“Qarabağ” dünən gecə saatlarında İsveçə çatdı. Avropa Liqasının əsas mərhələsinin 6-cı turunda “Elfsborq”un qonağı olacaq komanda indi hazırlığın son mərhələsindədi.
Bəs “köhlən atlar” İsveçdə necə qarşılanıb? Azərbaycanın bu ölkədəki sərfirliyi, diaspor qurumları və azarkeşlər Ağdam təmsilçisiylə əlaqə yaradıbmı?
Bu suallarla “Qarabağ”ın mətbuat xidmətinin rəhbəri Anar Hacıyevə müraciət etdik. Onun “Football-plus.az”a cavabı:
“Boros kiçik şəhərdi. Gəlib sakitcə otelimizə yerləşdik. Hansısa fərqli hadisə baş verməyib. Yəqin ki, sabah azarkeşlərimiz biletlərini əldə etmək üçün gələcəklər. Belədə görüşümüz mümkün olacaq. Amma ümumilikdə sakitlikdi”.
Xatırladaq ki, matç sabah saat 00.00-da başlayacaq.
KƏNAN BAHADIR
