“Məlumatları mətbuatdan oxumuşduq. Həmin dönəmdə Samir Abasovun pula görə “Sumqayıt”ı “Neftçi”yə dəyişdiyi, şəhərimizə xəyanət etdiyi tirajlanırdı. Bu üzdən üzvlərimizdə Samir bəyə qarşı qıcıq yaranmışdı. Tənqidlə təhqir fərqli şeylərdi. Planımız qeyd etdiyim məsələlərə görə mütəxəssisi tənqid etmək idi. Təəssüf ki, üzvlərimiz emosiyalarını idarə etməkdə çətinlik çəkdiyinə görə təhqirlərdən də istifadə etdilər. Bilirdik ki, həmin matçda Samir bəylə yanaşı, ailə üzvləri də var. Belədə həm baş məşqçidən, həm də ailəsindən üzr istəməyə qərar verdik. Belə davranışı özümüzə yaraşdırmadıq. Kaş ki, təkcə biz yox, Samir bəyi təhqir edən başqa azarkeşlər də belə düşüncəli davranış sərgiləsin. Ən əsası odu ki, mütəxəssis haqda fikirlərimizin yanlış olduğunu, əsl həqiqətləri öyrəndik”.