Vinisius Juniorun Səudiyyə Ərəbistanında oynamaq şansı var. “Əl-Əhli”nin nümayəndələri braziliyalı futbolçunun transferi ilə bağlı “Real”la danışıqlara başlayıb.

Bu barədə “The Athletic”in yaydığı məlumatda İspaniya klubu ilə danışıqların Səudiyyə Ərəbistanı İdman Nazirliyi adından Dövlət Sərmayə Fondunun nümayəndələrinin apardığı bildirilib. Nazirlik böyük ehtimalla Asiyanın bu ölkəsində təşkil ediləcək DÇ-2030 ərəfəsində Vinisiusu ölkə çempionatının siması seçməyi planlaşdırıb. “Əl-Əhli”nin vinger üçün madridlilərə 1 milyard (!) avro ödəməyə hazır olduğu bildirilib. Qeyd edək ki, Juniorun klubu ilə müqaviləsində sərbəst qalmaq üçün məhz bu məbləğ yazılıb. Başqa sözlə, transfer reallaşarsa, o, futbol tarixinin ən bahalı oyunçusu olacaq. Futbolçu tarixin ən çox maaş alan idmançısı da ola bilər. Belə ki, Vinisius keçid baş tutacağı halda müqavilənin qüvvədə olacağı 5 il ərzində 1 milyard avrodan çox qazanacaq.

O, “Real”da 2018-ci ilin yayından çıxış edir. Deyilənə görə, 24 yaşlı futbolçu Avropanı tezliklə tərk etmək haqda düşünmür.