“Dinamo” ilə oyunda imkanları qaçırdıq. İlk hissədə minimum üç şansımız oldu. İkinci yarıda isə iki qolum oyundankənar vəziyyətə görə sayılmadı. İlk qolda ofsayd qərarı doğru olsa da, ikincidə yox idi. Həmin epizodu dəfələrlə izləmişəm. Kağız üzərində ola bilər ki, biz daha yaxşı idik. Amma rəqib bizdən daha çox istəkliydi. Bizim komandada bəzi futbolçular istəksiz idi. Bunun da acısını məğlub olmaqla çəkdik”.

“Karyeram ərzində belə mükafat aldığımı xatırlamıram. İki dəfə mövsümün oyunçusu seçilmişəm. İlk dəfə “Neftçi”də Böyükağa Hacıyevin, daha sonra isə “Sumqayıt”da Samir Abbasovun dövrində. Sənin qolunu “Ayın qolu” seçirlərsə, bu çox gözəl təsir bağışlayır. Çox sevindirici hal oldu, mənə Azərbaycan futbolunda ad qoymuş insanlar səs verdi. Burdan da həmin insanlara minnətdarlığımı bildirirəm. Digər futbolçuların qolları da çox gözəl idi. Şadam ki, mən seçildim. Bu mənə bu yaşda əlavə stimul verir. Peşəkar Futbol Liqasının bu layihəsi hər futbolçu üçün əlavə stimuldu”.