“Ötənilki Juninyo ilə indiki Juninyo arasında fərq böyükdü. Fiziki formasında çatışmazlıqlar hiss olunur. Səbəbini deyə bilmərəm. Özünə baxmır, az məşq edir, yoxsa yorğundu? Bu barədə məlumatım yoxdu. Felipenin böyük, dəhşətli bir hücumçu olduğunu deməzdim. Felipe Santos digər hücumçularla müqayisədə daha təcrübəlidi. Cərimə meydançası daxilində bitiriciliyi yaxşıdı. Xüsusi bir özəlliyi yoxdu. Ona qarşı oynayan müdafiəçilər də taktiki baxımdan azca boşluq verirlər. Həm də cinah ötürmələri zamanı qapıya doğru istiqamətlənmiş hücumçudu. Çempionatın sonuna qədər bombardir olacaqmı? Bu barədə hələ ki tam qətiyyətlə deyə bilmərəm. Hər halda, qış fasiləsinə qədər damğasını vurdu. Qara Qarayev “Turan Tovuz”la oyunda tərs ayağı ilə möhtəşəm ötürmə verdi. Belə ötürmə verənin yoxdusa, o qol olmayacaq. Burda təkcə Felipe Santosu yox, komanda yoldaşlarını da vurğulamaq lazımdı”.