“Sabah” icarəyə verdi, burnu sındı
"Turan Tovuz"un futbolçusu Veysəl Rzayev yıxılaraq zədə alıb.
Bu barədə "Football-plus.az"a "bozqurdlar"ın mətbuat xidmətinin rəhbəri Süleyman Tağıyev məlumat verib. Klub rəsmisi 22 yaşlı yarımmüdafiəçinin tibbi müdaxiləyə ehtiyacı olduğunu bildirib:
"Hadisənin səbəbi hansı oyunla bağlı deyil. Sadəcə, yıxılıb və burnu sınıb. Tezliklə ölkəmizdə əməliyyat olunacaq. Hazırda həkim nəzarəti altındadı. Çox güman, mövsümü erkən başa vuracaq. Yenə də hər şey əməliyyatdan sonrakı dönəmdə həkimin durumu dəyərləndirməsindən asılıdı".
Qeyd edək ki, Veysəl müqavilə ilə "Sabah"a məxsusdu. "Turan Tovuz" futbolçunu cari mövsümün sonuna qədər icarəyə götürüb.
KƏNAN BAHADIR
Digər xəbərlər
