''Fənərbaxça''nın qış transfer planları ilə bağlı tez-tez yeni iddialar ortaya atılır.

Komanda bir tərəfdən Anderson Talişkanı heyətinə qatmağa çalışırsa, digər tərəfdən Yussef Ən-Nəsirini əldən buraxmamağa çalışır. Bu arada iddialara görə Ən-Nəsirini ''Əl-Nəsr''ə satacağı təqdirdə İstanbul nəhəngi karyerasını Səudiyyə Ərəbistanında davam etdirən digər ulduz Aleksandar Mitroviçə yönəlmək niyyətində idi. Amma Türkiyə mətbuatının yazdığına inansaq, baş məşqçi Joze Mourinyo dərhal dəyəri 28 milyon avro olan təcrübəli serbiyalı forvardın transferinə qarşı çıxıb.

O, Mitroviçi komandasında görmək istəmir. Səbəb isə bu futbolçunun artıq çəki ilə bağlı problem yaşamasıdı! Səudiyyə Ərəbistanında ikinci mövsümünü keçirən Mitroviç ötən ilin yayında 52,6 milyon avroya ''Fulhem''dən ''Əl-Hilal''a transfer olunub. Performansı ilə diqqət çəkən və komandasının uğurlarından böyük rol oynayan 30 yaşlı hücumçu indiyə qədər ''Əl-Hilal''da 62 rəsmi oyunda 59 qol, 11 məhsuldar ötürmə ilə fərqlənib.

ƏLİ