“Açıq demək lazımdısa, "Neftçi" yaxşı çıxış etdi. Hazırda 1-ci yerdə olması da boşuna deyil. İlk 15 dəqiqədə qol imkanlarından yararlana bilmədik. Futbolçularımız üç epizodda kobud səhv etdi və geri düşdük. Belədə komanda istər-istəməz psixoloji cəhətdən oyundan qopdu. Amma ümumilikdə oyuna, epizodlara baxanda komandamdan razıyam. Əlbəttə, bu səhvlər həmin yaş qrupundakı futbolçularda ola bilər. Bəzən oyun alınmaya bilər və mən bunu yaşla əlaqələndirərdim. Növbəti oyuna hazırlaşırıq. "Zirə" ilə qarşılaşacağıq. Əsas odu ki, düzgün yoldayıq. Məğlubiyyətlər ola bilər. Acı da olsa, bunu qəbul edib, üzərində işləməliyik”.

“Oyundan əvvəl dörd futbolçumuz zədələnmişdi. İkisi əməliyyat olunmalıdı. Ehtiyatda üç oyunçumuz var idi. Əsas komandamızın kubokda və çempionatda vacib oyunu olduğu üçün ordan da oyunçu gəlməmişdi. Birinci hissənin sonlarında ilk qolu buraxdıq. Artıq həmin an dəyişməliydik. Çünki futbolçuların gücü çatmırdı. Amma müdafiədə də bəzi problemlərimiz oldu. Zədə ilə bağlı problemlər yaşadıq. Qarşıdakı “Neftçi” ilə oyuna hazırlaşırıq. Zədəli oyunçulardan ikisi fərdi məşqlərə başlayıb. Həmin görüşdə əsas komandamızdan da təcrübəli oyunçular olacaq”.