Noyabrın 14-də Cənubi Amerikada DÇ-2026-nın seçmə turnirinin 11-ci turuna start verildi.

Lider Argentinanın son 4 oyunda 2-ci dəfə məğlub olması diqqəti daha çox cəlb etdi.

Son dünya çempionu Paraqvayla səfər matçına yaxşı başladı: Lautaro Martines 11-ci dəqiqədə Fernandesin ötürməsi ilə hesabı açdı. Buna görə ruhdan düşməyən ev sahibləri dərhal təşəbbüsü ələ aldılar. Çox keçmədən Sanabriya “qayçı” zərbəsi ilə cavab qolunu vurdu. İkioyunluq cəzasını başa vuraraq milli komandaya qayıdan Emiliano Martinesin fasilədən dərhal sonra Alderetenin zərbəsini qaytarmaq imkanı da yox idi. Argentina topa böyük ölçüdə sahib olsa da, qapı qarşısında real qol imkanı yaratmaqda çox çətinlik çəkdi və uduzdu. Buna baxmayaraq, 1-ci yerdəki mövqeyini itirmədi. Paraqvay yığması isə bu regiondan mundialın final mərhələsinə birbaşa vəsiqə verən ilk 6 yerdən birini tutmaq şansını bir qədər də artırdı.

Braziliya da xal itirdi. Dorival Juniorun komandası Venesueladakı matçda fasiləyə az qalmış Rafinyanın zərbəsi ilə hesabı açdı. “Barselona”nın kapitanı həmyerlilərinin son 19 ildə seçmə oyunlarda edə bilmədiyini bacardı: topu birbaşa cərimə zərbəsi ilə tora qovuşdurdu. Maraqlıdı ki, Roberto Karlos 2005-ci ilin oktyabrında bu şəkildə məhz Venesuelanın qapısına yol tapmışdı. Onda Braziliya 3:0 hesabıyla qalib gəlsə də, bu dəfə bir xala razılaşdı. Seqoviya fasilədən dərhal sonra topu tirin altından tora göndərdi. Qonaq komandanın hesabı öz xeyrinə dəyişmək imkanı oldu. Lakin Vinisius Junior 62-ci dəqiqədə ona qarşı kobud oynayan qapıçı Romo ilə mübarizədə penaltidən yararlana bilmədi. Nəticədə Venesuela yığmasının evdə Braziliyaya qarşı 9 oyunluq məğlubiyyət seriyasına son qoyuldu!

Ekvador isə evdə Boliviyanı 4 cavabsız qolla məğlub edərək 5-ci yerdəki mövqeyini qorudu.

Cənubi Amerika
11-ci tur
Paraqvay - Argentina 2:1 (1:1)
Paraqvay: X.Fernandes, Q.Qomes, Velaskes, Alderete, Alonso, Almiron (Alexandro Romero, 90), Kubas, Ensiso (R.Sosa, 82), Bobadilya (Vilyasanti, 82), D.Qomes (Anxel Romero, 72), Sanabriya (Pitta, 72).
Argentina: E.Martines, Otamendi, Talyafiko, Molina (Montyel, 78), K.Romero (Balerdi, 46), De Paul, Makallister (Qarnaço, 64), E.Fernandes (Paredes, 77), Messi, X.Alvares (Kastelyanos, 86), Lautaro Martines.
Qollar: Lautaro Martines, 11 (0:1). Sanabriya, 19 (1:1). Alderete, 47 (2:1).
Vərəqələr: Alderete, 33. Kubas, 49. Otamendi, 81. Pitta, 82 - sarı.
Hakim: Anderson Daronko (Braziliya).
14 noyabr. Asunsyon.

Venesuela - Braziliya 1:1 (0:1)
Venesuela: Romo, Anxel, R.Ramires, Navarro, Aramburu, Murilyo (Seqoviya, 46), Y.Errera (Kasseres, 15), Xose Martines (Rinkon, 69), Rondon (Kadis, 81), Savarino, Belyo (A.Qonsales, 80).
Braziliya: Ederson, Markinyos, Qabriel Maqalyans, Abner (Estevao, 62), Vanderson, Jerson, Bruno Gimaraynş (Martinelli, 82), Rafinya, Vinisius Junior, İqor Jezus (Lukas Paketa, 68), Savinyo (Luis Enrike, 68).
Qollar: Rafinya, 43 (0:1). Seqoviya, 46 (1:1).
Vinisius Junior 62-ci dəqiqədə penaltidən yararlana bilməyib (qapıçı).
Vərəqələr: Murilyo, 34. Vanderson, 36. Romo, 59. Kasseres, 82. Seqoviya, 86. Martinelli, 88 - sarı. A.Qonsales, 89 – qırmızı.
Hakim: Andres Roxas (Kolumbiya).
14 noyabr. Maturin.

Ekvador - Boliviya 4:0 (2:0)
Ekvador: Qalindes, Estupinyan, Paço, İnkapye, Ordonyes, Franko (Paes, 75), Yeboa (Arroyo, 69), Plata (K.Rodriges, 68), Vite, Minda (Sarmyento, 68), Valensiya (Mena, 68).
Boliviya: Viskarra, Xose Saqredo, Morales, Roça (Sexas, 80), Kuelyar, L.Pas (O.Lopes, 46), Terrasas (Çaves, 46), Vilyamil, E.Vaka, Menaço (Sotomayor, 46), Monteyro.
Qollar: Valensiya, 26 (1:0). Plata, 28 (2:0). Plata, 49 (3:0). Minda, 63 (4:0).
Vərəqələr: Çaves, 90+4 - sarı. Xose Saqredo, 24 – qırmızı.
Hakim: Maksimilian Ramires (Argentina).
14 noyabr. Quayakil.
Uruqvay – Kolumbiya, Peru – Çili oyunları gec başa çatıb.

1. Argentina 11 7 1 3 20-7 22
2. Kolumbiya 10 5 4 1 13-6 19
3. Braziliya 11 5 2 4 16-10 17
4. Uruqvay 10 4 4 2 13-6 16
5. Ekvador (-3) 11 5 4 2 10-4 16
6. Paraqvay 11 4 4 3 6-5 16
7. Venesuela 11 2 6 3 9-11 12
8. Boliviya 11 4 0 7 11-25 12
9. Peru 10 1 3 6 3-14 6
10. Çili 10 1 2 7 5-18 5

Bombardirlər: Messi (Argentina) - 6, D.Nunyes (Uruqvay) - 5, Rafinya (Braziliya), L.Dias (Kolumbiya), Sanabriya (Paraqvay) - 4.