Joze Mourinyo “Roma”ya sadiqlik nümayiş etdirib.


"Football-plus.az" xəbər verir ki, “Əl-Hilal” İtaliya klubunun baş məşqçisi ilə danışıq aparıb. İnsayder Fabritsio Romanonun məlumatına görə, Səudiyyə Ərəbistanı klubu portuqaliyalı mütəxəssisə ilə 30 milyon avro maaşı nəzərdə tutan təklif irəli sürüb. Lakin 60 yaşlı məşqçi “Roma”da fəaliyyətini davam etdirmək istəyib.

Mourinyo paytaxt komandasını 2021-ci ilin yayından çalışdırır. “Roma” onun rəhbərliyi altında 2022-ci ildə Konfrans Liqasının qalibi olub, bu il isə isə Avropa Liqasının finalında oynayıb.