Çili çempionatının son turunda unikal hadisə baş verib. Qeyri-adi faktın səbəbkarı qapıçı olub.

"Football-plus.az"ın məlumatına görə, “Kobresal” – “Kolo Kolo” matçı ev sahiblərinin 3:1 hesablı qələbəsi ilə nəticələnib.

Maraqlısı odu ki, “Kobresal”ın sonuncu qolunu qapıçı vurub. Salvadorluların argentinalı oyunçusu Leandro Rekena qapıçı meydançasından möhtəşəm qola imza atıb. Unikal fakt 77-ci dəqiqədə qeydə alınıb: əlcək sahibi topa qüvvətli zərbə endirib, top bir qədər irəli çıxan rəqib qapıçı Brayan Kortesin acizanə baxışları altında tora daxil olub. Xüsusilə qeyd edək ki, Leandronun qolu 101 metr məsafədən endirilən zərbədən sonra reallaşı. Bu isə o deməkdi ki, uzun məsafə qət edən top futbolda mütləq rekord kimi qeydə alına bilər. Çili klubu bu qolu “Ginnesin Rekordlar Kitabı” üçün təqdim edəcəyini açıqlayıb.

Yeri gəlmişkən, hələ ki rəsmi oyunlarda qol vurulan ən uzaq məsafə 96,01 metrdi. 2021-ci ildə “Nyuport”un oyunçusu Tom Kinq İngiltərə çempionatının 4-cü liqasının “Çeltenhem”lə matçında qapıya bu məsafədən yol tapıb və bu fakt “Ginnesin Rekordlar Kitabı”na düşüb.