“Mikelsin əvəzlənən zaman birbaşa paltardəyişmə otağına yollanması da...” – “Sabah” onu cəzalandıracaqmı?
Ölkə çempionatının son turunda – “Sabah”ın səfərdə “Sumqayıt”a uduzduğu oyunda əvəzlənən Coy-Lens Mikels birbaşa paltardəyişmə otağına yollandı.
Təbii ki, bu hərəkəti normal qarşılamaq mümkünsüzdü. Görəsən, “Sabah” rəhbərliyi belə hərəkətə görə hansısa cəza nəzərdə tutulubmu? “Football-plus.az” bu sualı “Sabah”ın mətbuat xidmətinin rəhbəri Elnur Həmidova ünvanladı:
“Futbol emosiyalar oyunudu. Həmin matçda da Coy-Lens Mikels oyunu alınmadığına görə bir qədər məyus idi. Əvəzlənən zaman birbaşa paltardəyişmə otağına yollanması da məhz kiməsə etirazdan yox, bu məyusluqdan qaynaqlanırdı. Futbolçu özü oyundan sonra bununla bağlı baş məşqçi ilə söhbət edərək, üzrxahlığını çatdırdı”.
ƏSƏD SEYİDOV
Digər xəbərlər
