Misli premyer-liqasının lideri “Qarabağ” mövsümdə ilk heç-heçəsinə imza atıb.

"Football-plus.az" xəbər verir ki, Qurban Qurbanovun yetirmələri uzun fasilədən sonra qolsuz bərabərliyə imza atıblar.

Bu, 12-ci turun “Turan Tovuz”la səfər görüşünə təsadüf edib.

Ağdam klubunun 0:0 hesablı heç-heçə etməsi sonuncu dəfə təxminən 2 il əvvəl qeydə alınıb. Bu, 2022-ci il noyabrın 28-də “Zirə” ilə ev matçında yaşanıb. “Qarabağ” ardıcıl 67 görüşündə ən azı bir komanda qol sevinci yaşayıb.

Bu, ölkə çempionatları tarixində 2-ci belə seriyadı. 0:0 hesabı olmadan keçirilən oyun sayında rekord “Şahdağ Qusar”a məxsusdu. Bölgə təmsilçisi texniki nəticələr nəzərə alınmadan ardıcıl 95 matçlıq seriyaya malikdi. 3-cü göstəriciyə malik “Şamaxı”nın hesabında 59 oyunluq seriya var.