Kriştiano Ronaldonun da formasını geydiyi “Əl-Nəssr” Səudiyyə Ərəbistanı çempionatının 9-cu turunda “Əl-Hilal”la 1:1 hesablı heç-heçəyə razılaşıb.

Matç zamanı “Əl-Hilal”ın azarkeşləri “Messi, Messi” şüarlarını səsləndiriblər. Onlar təbii ki, Lionel Messinin adını Ronaldonu qıcıqlandırmaq üçün qışqırıblar. Kriştiano isə onların bu hərəkətinə, sadəcə, “əla” işarəsi göstərərək cavab verib.

Yeri gəlmişkən, portuqaliyalı futbolçu 2023-cü ilin yanvarından formasını daşıdığı “Əl-Nəssr”də bütün turnirlərdə 76 matça çıxıb, 67 qol vurub və 18 qolun ötürməsini verib.