“Dinamo” – “Şaxtyor” oyunu maraqla gözlənilirdi.

Qonaqlar qələbə təqdirində kiyevlilərlə xal fərqini 3-ə endirəcəkdi. Və onlar hədəfinə çox yaxın idi. Hesab 2-ci hissənin əvvəlində açıldı. Künc zərbəsindən sonra Buşan Eginaldonun baş zərbəsini qaytarsa da, Bondar təkrar zərbə ilə qapıçını məyus etdi. Maraqlıdı ki, qoldan sonra kiyevlilər yox, qonaqlar əsəbi oyun göstərməyə başladı. Krıskivin 60-cı dəqiqədə meydandan qovulması “Dinamo”nun işinə yaradı. Şovkovski dərhal dəyişikliyə əl atdı, meydana daha bir hücumçunu – Gerreronu da buraxdı. Ancaq hesabı o yox, 84-cü dəqiqədə meydana çıxan Karavayev bərabərləşdirdi. Təbii ki, heç-heçə “Şaxtyor”la 6 xal fərqini qoruyan “Dinamo” üçün sərfəlidi.

“Polesye” ardıcıl 2-ci oyunda turnir cədvəlinin aşağı hissəsində qərarlaşan komandaya qalib gələ bilmədi. “Kolos” jitomirlilərlə oyunda heç-heçəyə tam layiq idi. Onların baş məşqçisi İmad Aşur zədədən əziyyət çəkən soydaşımız Emil Mustafayevə yenə şans vermədi.

Liderlərdən biri “Aleksandriya” aşkar autsayder “İnqulets”i qəbul etdi. Və qələbə qazanmaqla “Dinamo”ya növbəti dəfə “əlcək atdı”. Evdə LNZ-ni məğlub edən “Krivbass” həm bu komandanı arxada qoydu, həm də “Şaxtyor”a yaxınlaşdı. Ardıcıl 2-ci oyunda qələbə qazanan “Karpatı” turnir cədvəlində mövqeyini bir qədər yaxşılaşdırdı. “Levıy bereq”i məğlub edən “Zarya” üç pillə irəlilədi. “Rux” – “Çernomorets”, “Veres” – “Vorskla” oyunlarında məhsuldar heç-heçə qeydə alındı.

11-ci tur
Dinamo – Şaxtyor 1:1
Karavayev, 87 – Bondar, 48.
Dinamo: Buşan, Dubinçak, Mixavko, Popov (Belovar, 16), Tımçik (Karavayev, 84), Andriyevski (Gerrero, 65), Braqaru (Voloşin, 46), Brajko, Buyalski, Vanat, Kabayev.
Şaxtyor: Riznık, Bondar, Konoplya, Matviyenko, Pedro Enrike, Bondarenko (Stepanenko, 67), Krıskiv, Sudakov (Marlon Qomes, 89), Eginaldo (Franyiç, 89), Zubkov (Pedrinyo, 67), Sikan (Traore, 77).

Polesye – Kolos 1:1
Qutsulyak, 54 – Veleten, 20.

Aleksandriya – İnqulets 2:1
Bezerra, 17. Mişnev, 27 – Pyatov, 21.

Krivbass – LNZ 3:1
İliç, 24. Ponedelnik, 58. Drambayev, 90+5 – Naumets, 78.

Karpatı – Obolon 1:0
Bruninyo, 10.

Levıy bereq – Zarya 0:2
Budkovski, 45-p. Yatsık, 50.

Rux – Çernomorets 1:1
Kvasnitsa, 53 – Yanakov, 83.

Veres – Vorskla 2:2
Mrvalyeviç, 28-p. Qayduçik, 86 – Kovtalyuk, 68. Korniyenko, 78.

1. Dinamo 10 8 2 0 22-6 26
2. Aleksandriya 10 8 2 0 17-7 26
3. Polesye 10 6 4 0 19-7 22
4. Şaxtyor 10 6 2 2 26-10 20
5. Krivbass 10 5 2 3 11-9 17
6. LNZ 11 4 3 4 13-16 15
7. Zarya 11 5 0 6 11-12 15
8. Karpatı 11 4 3 4 12-14 15
9. Rux 10 3 5 2 15-6 14
10. Çernomorets 11 3 3 5 7-11 12
11. Veres 11 2 5 4 12-16 11
12. Vorskla 11 2 4 5 11-17 10
13. Kolos 11 1 6 4 6-9 9
14. Levıy bereq 11 2 2 7 4-14 8
15. Obolon 11 1 2 8 5-26 5
16. İnqulets 11 0 5 6 7-18 5

Bombardirlər: Nazarenko (Polesye), Sudakov (Şaxtyor) – 7.

Növbəti turun oyunları noyabrın 2-4-ü aralığında keçiriləcək: Karpatı – Levıy bereq, Şaxtyor – Çernomorets, Vorskla – Kolos, Aleksandriya – Polesye, İnqulets – Dinamo, Obolon – Veres, Krivbass – Rux, Zarya – LNZ.