Aprelin 17-18-də Ukrayna çempionatında əvvəlki turlardan təxirə salınan üç oyun keçirildi.

“Football-plus.az” xəbər verir ki, çərşənbə günü meydana çıxan “Dinamo” aşkar autsayder “Minay”ı 3:1 hesabıyla məğlub etdi. Kiyevlilər ilk yarını 2:0 öndə bitirsə də, meydan sahibləri 2-cu hissə başlayan kimi fərqi azaltdı. Bu qol onları necə ruhlandırdısa, dəfələrlə hesabı bərabərləşdirməyə yaxın oldular. Amma Voloşinin 86-cı dəqiqədə vurduğu qol bu oyunun taleyinə aydınlıq gətirdi. “Dinamo” birgünlüyə liderlə xal fərqini 1-ə endirdi. Həmin gün turnir cədvəlinin sonlarında qərarlaşan “Aleksandriya” ilə “Obolon” da qarşılaşdı. Bu oyunda məhsuldar heç-heçə qeydə alındı – 2:2.

Ertəsi meydana çıxan “Şaxtyor” çətin qələbə qazandı. Sikan 30-cu dəqiqədə “şaxtaçılar”ı irəli çıxardı, 57-ci dəqiqədə “Zarya”dan Cordan meydandan qovuldu. Amma luqansklılar inadla liderə müqavimət göstərirdi. Sadəcə, Traorenin 76-cı dəqiqədə meydana çıxması oyunun taleyini müəyyənləşdirmək baxımından həlledici rol oynadı. Onun məhsuldar ötürmələrindən 86-cı dəqiqədə Bondarenko, 90+1-ci dəqiqədə isə Neverton yararlandı. Maraqlıdı ki, qələbə seriyasını 10-a çatdıran “Şaxtyor” növbəti turda da məhz “Zarya” ilə qarşılaşacaq.

16-cı turdan təxirə salınan oyun
Minay – Dinamo 1:3
Korablin, 48 – Buyalski, 4. Nemçaninov, 28-öz qapısına. Voloşin, 86.
Dinamo: Buşan, Dubinçak, Dyaçuk, Popov, Tımçik, Yarmolenko (Diallo, 61), Voloşin, Buyalski (Şepelev, 61), Andriyevski, Kabayev (Şaparenko, 46), Vanat (Ponomarenko, 89).
10-cu turdan təxirə salınan oyun
Zarya – Şaxtyor 1:3
Kiryuxantsev, 73 – Sikan, 30. Bondarenko, 86. Neverton, 90+1.
Şaxtyor: Riznık, Matviyenko, Konoplya (Qoçoleyşvili, 89), Bondar, Azarov (Traore, 76), Sudakov, Krıskiv (Qomes, 84), Bondarenko, Kevin (Neverton, 84), Şved, Sikan.
15-ci turdan təxirə salınan oyun
Aleksandriya – Obolon 2:2
Poqorelı, 88. Skorko, 90+2-p. – Taranuxa, 80-p. Krasnopir, 90+7.
1. Şaxtyor – 55, 2. Dinamo – 51... 10. Zarya – 26, 11-12. Kolos, Aleksandriya – 25, 13. Obolon – 20... 16. Minay – 15.
Bombardir: Vanat (Dinamo) – 11.