“Real”ın rəhbərliyi braziliyalı vingeri Vinisius Juniorla müqavilə müddətini uzatmaq istəyir.

“Football-plus.az” “Relevo”ya istinadla xəbər verir ki, braziliyalı futbolçu klub rəhbərliyini böyük oyunlarda nəticəni təmin etməyə qadir olduğuna inandıra bilib.

Rəhbərlik həmçinin Vinisiusa böyük məbləğ təklif etməyə hazır olan Səudiyyə Ərəbistanı klublarının marağına görə narahatdı. 2018-ci ilin iyulundan “Real”ın formasını geyən futbolçu hələ ki müqavilə müddətini uzatmağa tələsmir. 24 yaşlı braziliyalı madridlilərin heyətində keçirdiyi 270 oyunda 91 qol vurub və 82 məhsuldar ötürmə verib. Onun indiki müqaviləsinin müddəti 2027-ci ilin yayında bitəcək. Vinisiusun bazar qiyməti 200 milyon avrodu.