“Baş məşqçinin onu istəməsi bir az qəribə görünür, yaxşı hücumçu idisə...” – albanlar Yunanovu necə qarşıladı?
Albaniya çempionatında ilk 5 turdan sonra 8-ci pillədə qərarlaşan “Bülis” dünən Amil Yunanovun transferini açıqladı. “Football-plus.az” xəbər verir ki, alban futbolsevərlər Amilin keçidini gözlənilməz olduğunu, sanki bu mövqedə ehtiyac duymadıqlarını da reaksiyalarında gizlətməyiblər.
Marçel Çelo:
“Düşünürəm ki, “Bülis”in daha çox mərkəz müdafiəçisinə ehtiyacı var, bu mövqedə çox zəif cəhətlər görünür”.
Nertil Lamaj:
“Xoş gəldin Amil, uğurlar. Bizə hücumçu lazımdı, çünki Mario Qjata zədəli oynadı və lazımi köməyi edə bilmədi”.
Edison Malasi:
“Yaxşı hücumçuydusa, orda qalardı, amma mən onun transferini dəstəkləyirəm. Qjatanı saxlasaydız, daha yaxşı olardı, komandanın köhnə oyunçusu olduğuna görə inanırıq”.
Fatos Kapaj:
“Nəhayət, Allahdan bir hücumçu transfer etdiz”.
Albaniyanın “Panorama Sport” nəşrinin transferlə bağlı qeydləri:
“Bülis” bu gün Azərbaycandan olan hücumçu Amil Junanovu təqdim etdi. 31 yaşlı oyunçu məşqçi Emmanuel Eqbonun daha çox alternativə sahib olmaq istədiyi hücum mövqeyini gücləndirməyə gəlir. Əslində, baş məşqçi heyətdə çoxlu əcnəbi oyunçuların olmasından narahatlığını dilə gətirib. Ona görə də məşqçinin bu sözünü nəzərə alsaq, daha bir əcnəbi futbolçunun keçidi, baş məşqçinin onu istəməsi bir az qəribə görünür”.
RÖYANƏ OĞUZ
