“Bülis"lə müqavilə imzalamağım gözlənilməz oldu. Məşqçiyik, hər dəfə bir yerdən təklif gəlirdi. Bakıda işsiz qalmışdım. Burdan təklif gələndə dəyərləndirdim, işsiz qalmaqdansa çalışmaq daha vacibdi. Burda çalışmaq məşqçi kimi təcrübədi. Hər şey normal, qaydasındadı. İnşallah, gələcəkdə vətəndən və yaxud başqa yerdən təklif gəlsə, bəlkə də dəyərləndirərəm. Amma hazırda birillik, yəni maya qədər "Bülis"lə müqaviləm var”.
Rüfət bəy həm də Amil Yunanovun durumundan söz açdı: “Mən bura gələndən sonra Amil də komandaya cəlb olundu. Gələndən bir neçə gün sonra rəsmi oyunda iştirak etdi. Bəllidi ki, klubdan kənarda çox qalıb, komanda məşqlərinə qoşulmurdu. İndi tam hazır deyil. Fiziki hazırlıq üzrə məşqçimiz onunla əlavə məşqlər keçir. Həmçinin Amil komanda məşqlərində də iştirak edir, yavaş-yavaş formasını bərpa edir. Ümidvaram ki, gələcəkdə lap yaxşı oyunlar nümayiş etdirib qollar vuracaq və Azərbaycanın adını daha da yüksəldəcək. Mən də ona əlimdən gələn dəstəyi verirəm və ona uğurlar arzulayıram”.