“Əslində yayda komandada islahat apaarkən məqsədləri formalaşdırdıq. Yəni rəqabətə qadir,  güclü komanda yaratmaq istəyirdik ki, avrokuboklara düşə bilək. Ən azı Konfrans Liqasına vəsiqə qazanacaq heyət qurmaq fikrindəydik. Bunun üçün rəhbərlik də hər cür şərait yaratdı, transferləri də məşqçilərin müəyyənləşdirdiyi siyahıya uyğun reallaşdırdı. Yəni futbolçular üçün vəsait ayrıldı, transfer yolunda heç bir fədakarlıqdan çəkinmədik. Məşqçilərin istədiyi heyətin qurulmasına həm yardım etdik, həm o prosesi düzgün təşkil edə bildik. Fikrimcə, yayda aparılan düzgün transfer siyasətinin nəticəsində bu gün komanda meydanda istədiyimiz nəticələri qazana bilir. Əsas fikir odu ki, qışa qədər bu tempi davam etdirək, qışda yenidən məşqçilərin təqdimatı əsasında bizi maraqlandıran mövqelərə lazımi futbolçuları transfer edək. Yəni məşqçi istəsə, rəhbərlik müsbət qarşılaya bilər. Hər halda bu gün komandada futbolçular, kollektiv, ümumiyyətlə, daxili atmosfer yaxşıdı. Biz də hər şey edirik ki, komandanın uğurları davam etsin. Məşqçilər də öz bacarıqlarını məşq prosesində ortaya qoyurlar. Hər kəs əlindən gələni edir ki, sonda nəticə qazana bilək”.