“Biz də bu darmadağınla barışmırıq. Klub rəhbərliyi bu məsələni diqqətdə saxlayır. Əvəzedici heyətin xüsusən qış fasiləsindən sonrakı nəticələri qənaətbəxş deyil. Əslində bunun da müəyyən səbəbləri var. Amma komandanın çıxışı da bizi narazı salır. Həm oyun planı, həm də futbolçuların fərdi keyfiyyətləri baxımından çox böyük çatışmazlıqlar var. Qış fasiləsinə qədər heyətdə bir neçə aparıcı futbolçu var idi. Təəssüf ki, onlardan ikisi ağır zədə alaraq əməliyyata cəlb olunub. Bir-iki futbolçunun klubu tərk etməsi, qışda gələnlərin əsasən yeniyetmə və daha təcrübəsiz olması təsir edir. Lakin bunlar qəbuledilməz faktlar deyil. O baxımdan ki, komandada nəticə həddən artıq böyük olmamalıdı. Belə məğlubiyyətlər heç bir halda qəbul edilmir. Təbii ki, bununla bağlı məşqçi ilə söhbət aparmışıq. İlk yarıda hesab açılmamışdı. Hər şey qaydasında idi. Lakin ikinci hissədə belə darmadağın qeydə alınması çox üzücü məqamdı. Bizdə bunu məşqçilərlə müzakirə edib, qəbul etmədiyimizi bildirdik. Qısa zamanda heyət, oyun və nəticə ilə bağlı müsbət dönüş etməsini tapşırdıq. Bu məsələyə hərtərəfli yardım etməyə hazır olduğumuzu bildirdik. O mənada ki, komandanın hazırlığı üçün hər bir şərait yaradılıb və bundan sonra da yaradılacağını söylədik. Məşqçilər və onların rəhbərlik etdiyi futbolçular bu vəziyyətdən özləri çıxmalıdılar. Bunun üçün hesabatlar alınacaq. Fasilə müddətində bütün bunları bir daha təhlil edib, yaranan vəziyyəti düzəldəcəklər”.