“Hazırda ailə vəziyyətimə görə Bakıdayam. Anamın səhhəti heç yaxşı deyil. Ona görə məcburi şəkildə qayıtmalıydım. Bundan başqa, əsas məsələ odu ki, iki ay əvvəl klub prezidenti ilə danışığım olmuşdu. Üç komandada işləyəcəyimi dedim, məvacibim artıq olmalıydı. Amma maaş vaxtı gələndə tam başqa bir məbləğ təklif etdilər. Təbii ki, mən də razılaşmadım. Danışdığımız və müqavilədə olan məbləğlər fərqli idi. Klub vədini yerinə yetirmədiyinə görə mənim ora qayıtmağım sual altındadı. Çox güman, qayıtmayacam. Çünki mənim şərtlərim tam başqa idi, o cür danışmışdıq. Komandada işlərimiz normal gedirdi. Mənim baş məşqçi olduğum U-21 çempionatda 4 oyunda 4 qələbə qazanmışdı. Əsas komandanın durumu isə çox da yaxşı deyildi. Sırağagün də 0:1 uduzdular. 19 yaşlılardan ibarət komanda da normal çıxış edir. Çox güman, Albaniyaya qayıtmayacam, qarşılıqlı razılıq əsasında müqaviləni pozacağıq. Mən o şərtlər altında “Bülis”də qala bilmərəm. Üç yerdə işləyib, heç nə almamaq qətiyyən düz gəlmir. Qərara gəldim ki, hazırda ailə vəziyyətimə görə Bakıda olum. Sonra, çox güman ki, Azərbaycanda da qalacam. Təklif də olsa, dəyərləndirərəm. Amma Albaniyaya qayıtmaq niyyətim yoxdu. Klub danışdığımız şərtləri pozdu, mənə də bu sərf eləmədi. Amil Yunanov da ordadı. Mənə elə gəlir ki, Amil də indi orda qalmaq istəmir. Amma bu, onun öz işidi”.