“Futbolçunun heç satılmaması bir qədər ağır söhbətdi. Qarşı tərəf sənin istədiyin məbləği verirsə, satmağa məcbursan. Satmaq istəməyən elə bir rəqəm deyir ki, o artıq real rəqəm olmur. Məsələn, Kadinin müqaviləsində belə bənd var idi ki, hansısa klub bu qədər pul versə, gedə bilər. “Krasnodar” verdi, braziliyalı da getdi. Leandronun müqaviləsində də eyni şərt var. Sadəcə, bu şərt qış “transfer pəncərəsi”nə aid deyil. Yoxsa çinlilərin təklif etdiyi məbləğ heç də pis deyil. Yay olsaydı və Leonardo özü də getmək istəsəydi, gedə bilərdi. Müqaviləsi hələ qüvvədə olduğuna görə biz indi “Qarabağ” olaraq, onu satmaq istəsəydik, satardıq, ancaq istəmədik. Kadi də o vaxt getmək istəmirdi. Sonra maaş söhbəti qalxanda məsələ bir qədər dəyişir. Birdən-birə elə böyük məbləğ deyirlər ki, adam baxır ki, burda 3-4 ilə qazandığını gedib orda 1 ilə qazanar. Ona görə gözlərini yumub razılaşır. Hər futbolçuda fərqlidi. Vaci ilə bağlı məsələ belə deyildi. Qaradərililər üçün Fransa əlçatmazdı. Vaciyə “Sent-Etyen”dən təklif gələndə bildirdi ki, Fransada oynamaq mənim arzum idi. Amma Leonardo ilə bağlı durum fərqlidi. Adam “Qarabağ”dan getmək istəmir. Sadəcə, təklif çox fərqli olanda görürsən ki, futbolçunun fikri dəyişir. Biz indi durub desək ki, Leo 100 faiz getmək istəmirdi, yalan demiş olarıq. Amma Leo özü də bildirdi ki, mən burda çox xoşbəxtəm, komandada qalmaq istəyirəm. Lakin təkliflər 3-4 qat artıq gələndə bəlkə məcbur göndərdik. Elə təklif olanda insanın motivasiyası dəyişir. Həmin an ailəni, uşağı - hər şeyi düşünüb deyirsən ki, bəlkə hər şeyə göz yumub gedim. Bu məsələyə hazırda dəqiqə nöqtə qoyulub. Faktiki Çin klubundan da xəbər yoxdu. Biz də sözümüzü demişik”.