“Bilindiyi kimi, fanklub 2019-cu ildən Loğman Məlikli tərəfindən yaradılıb. Ona bu işdə yaxıən dostları kömək edirdi. Lakin zamanla həmin şəxslər fanklubdan uzaqlaşdığından Loğman tək qaldı və işlər xeyli çətinləşdi. 2021/22 “futbol ili”ndə tribunalarda olduq və premyer-liqaya rəng qatmağa çalışdıq. Sonradan “Şamaxı” 1-ci liqaya düşdü. Həmin vaxt bəyanat yaymışdıq ki, komandanın ev oyunlarında iştirak etməyəcəyik. Lakin vacib oyunlarda tək qoymaq istəmədik və həlledici matçlar üçün tribunaya qayıtdıq. “Sektor 56” bir ailədi. Sadəcə, bəzi daxili problemlər var. Loğmanın gedişindən sonra rəhbər seçilməlidi. Hələ ki bu yöndə addım atılmayıb. Bu üzdən fəaliyyətimizi qeyri-müəyyən müddətə dayandırmağa qərar verdik. Mən özüm iki işdə çalışıram, eyni zamanda universitet oxuyuram. Belədə fankluba yardım etmək, ev oyunlarında komandaya dəstək olmaq çətinləşir. Halbuki yeni mövsüm üçün çox yaxşı planlarımız var idi. Fanklub fəaliyyətini bərpa edənə qədər komandaya sosial şəbəkədə dəstək olacağıq. “Şamaxı”yla bağlı paylaşımlarda fəal olub bölgəmizin futbolunun təbliğinə yardım edəcəyik”.