ATP-nin Turində keçirilən illik Yekun turniri bazar günü başa çatdı.

“Football-plus.az” xəbər verir ki, turnirin ilk günlərinin hesablarını təqdim etmişdik. Gözlənildiyi kimi, finalçılardan biri dünya tennisinin əfsanəsi Novak Cokoviç oldu. O, yarımfinalda parlamaqda olan ulduz Karlos Alkarası məğlub etdi. Digər yarımfinaldan isə Sinner qalib ayrıldı.

Serbiyalı ulduz finalda italiyalı rəqibinə heç bir şans vermədi – 6:3, 6:3. 36 yaşlı Cokoviç Yekun turnirlərində qələbə sayını 7-yə çatdırmaqla yeni rekord müəyyənləşdirdi. İsveçrəli Rocer Federer isə 6 dəfə belə turnirləri qazanıb.

Ümumiyyətlə, Cokoviç hard örtüklü turnirlərdə 71-ci qələbəsini qazanmaqla Federerin bu göstəricidəki rekordunu təkrarladı. Bu yaşda da qələbədən doymayan Novak finaldan sonra bunları dedi: “Karyeramdakı ən yaxşı mövsümlərdən biridi. Mövsümü bu həftə möhtəşəm tennis göstərən Sinner üzərində qələbə ilə bitirmək qeyri-adi olaydı. Alkaras və Sinnerə qarşı göstərdiyim oyunla qürur duyuram. Onlar mənlə Medvedevdən sonra hazırda dünyanın ən güclü tennisçiləridi. Məhz onların sərgilədiyi oyun üzündən mən də oyun səviyyəmi yüksəltməli oldum”.

Medvedev – Zverev 7:6 (9:7), 6:4

Cokoviç – Hurkaç 7:6 (7:1), 4:6, 6:1

Sinner – Rune 6:2, 5:7, 6:4

Alkaras – Medvedev 6:4, 6:4

Rublev – Zverev 4:6, 4:6

yarımfinal

Sinner – Medvedev 6:3, 6:7 (4:7), 6:1

Alkaras – Cokoviç 3:6, 2:6

final

Cokoviç - Sinner 6:3, 6:3