“Böyük dəbilqə” turnirlərinin dördqat qalibi olan ispaniyalı Karlos Alkaras son 12 ayda ən çox qazanan tennisçilərin sıralamasına başçılıq edir.

Bu məlumatı “Forbes” jurnalı açıqlayıb. 21 yaşlı tennisçi son bir ildə 42,3 milyon avro qazanıb ki, bunun 10,3 milyonu mükafat, qalanı isə kortdan kənarda əldə olunan vəsaitdi. 2-ci pillədə 37,2 milyon avro ilə serb Novak Cokoviç, 3-cü pillədə amerikalı Kori Qauff (27,1 milyon) qərarlaşıb.

Ən çox qazanan tennisçilərin ilk “10-luğ”u:
1. Karlos Alkaras (İspaniya) - 42,3 milyon avro (10,3 milyon mükafat və 32 milyon kortdan kənarda);
2. Novak Cokoviç (Serbiya) - 37,2 milyon avro (12,2 və 25);
3. Kori Qauff (ABŞ) - 27,1 milyon avro (7,1 və 20);
4. İqa Sventek (Polşa) - 26,7 milyon avro (11,7 və 15);
5. Yannik Sinner (İtaliya) - 26,6 milyon avro (11,6 və 15);
6. Rafael Nadal (İspaniya) - 23,3 milyon avro (0,3 və 23);
7. Daniil Medvedev (Rusiya) - 20,3 milyon avro (7,3 və 13);
8. Naomi Osaka (Yaponiya) - 14,6 milyon avro (0,6 və 14);
9. Kasper Ruud (Norveç) - 13,9 milyon avro (3,9 və 10);
10. Arina Sobolenko (Belarus) - 13,7 milyon avro (6,7 və 7).