“Şəfa”ya məğlub olduğumuz oyunda həmin qolu vurdum. Təbii ki, bunda komanda yoldaşlarımın əməyi var. Uzaqdan zərbə olduğuna görə fərdi ustalıq sayıla bilər. Vəziyyətin o cür yaranmasında komanda yoldaşlarımın əməyi var. İkinci liqadakı klubların maliyyə durumu yaxşı deyil. Qarşıdan soyuq havaların gəldiyini nəzərə alsaq, klubun yağmurluqlar sifariş etmək ehtiyacı var. Qola görə həm mənə, həm də kluba 500 manat verildi. Mən də həmin pulu kluba dəstək üçün verdim. Soyuq havada geymək üçün dəst paltar aldıq. Hər bir komanda yoldaşımı nəzərə aldım. “Dinamo” ilə birlikdə 1-ci liqaya qalxmağı planlamışdım. 1-ci liqada aşağı sıralarda qərarlaşan komandalardan təklif var idi. Sadəcə, mən “Dinamo”da qalmaq istədim. Hazırda öz ixtisasım üzrə işləyirəm. Azərbaycan Dövlət İqtisad Üniversitetinin mühasibat və audit-uçot ixtisasını bitirmişəm. Bu sahəyə yönəlik böyük şirkətlərin birində çalışıram. Ona görə də elitaya və 1-ci liqaya çıxmaq üçün davamlı məşq etməli, üzərimdə çox çalışmalıyam. Bu halda mümkünsüzdü. Hazırda “Dinamo”ya köklənmişəm, orda çıxış edə bilirəm”.