“Komanda üzvləri bir-birinə tam öyrəşməyib” – “Sabah”ın yerli oyunçusu
Kişi basketbolçulardan ibarət “Sabah” komandası Avropa Kuboku çərçivəsində keçirdiyi ikinci qrup oyununda məğlub oldu.
G qrupunda yer alan Rimas Kurtinaytisin rəhbərlik etdiyi komanda 2-ci turda evdə Yunanıstan təmsilçisi “Marussi” ilə bacarmadı. Oktyabrın 16-da keçirilən oyun rəqibin 82:70 hesablı qələbəsi ilə yekunlaşıb.
“Sabah”ın yerli oyunçularından Şirzad Şirzadov “Football-plus.az”a məğlubiyyəti belə şərh etdi:
“Hər iki oyunda yaxşı çıxış etdik, amma son dəqiqələrdə səhvə yol verdik. Məhz buna görə də məğlub olduq. Onu deyim ki, qarşılaşdığımız rəqiblər artıq neçə ilin komandasıdı, böyük təcrübəyə malikdi. Bizim klub isə yeni yığılıb. Komandaya yeni legionerlər cəlb olunub. Bu üzdən uyğunlaşma problemi var. Həm də komanda üzvləri bir-birinə tam öyrəşməyib. Amma düşünürəm ki, sonrakı oyunlarda daha yaxşı çıxış edə bilərik”.
RÖYANƏ OĞUZ
Digər xəbərlər
