“Sözün açığı, dünən maraqlı oyun oldu. Erkən qol vurulsaydı, çox məhsuldar oyun izləyərdik. “Mingəçevir”in də, bizim də 3-4 qol imkanımız boşa getdi. Komandaya yeni gəlmişəm, futbolçularla bir-birimizi başa düşmək, taktikanı yeritmək üçün vaxt lazımdı. Yaxında komandanı toparlaya biləcəyimə inanıram. Əsas problemlərdən biri divizionda ən cavan komanda olmağımızdı. Bu üzdən təcrübəsizlikdən əziyyək çəkdik. Yəni futbolçularım aşağılarda oynayıb, bəzilərinin heç 1-ci liqa təcrübəsi yoxdu. Bu üzdən meydanda əziyyət çəkirik. Digər komandalarda legionerlər var, vəziyyət fərqlidi. Bütün bunlara baxmayaraq, futbolçular istəklidi. Onların meydanda göstərdiyi canfəşanlıq məni ümidləndirdi”,
Quluzadə bir neçə gün öncə komandaya cəlb etdiyi Araz Abdullayevin debütü barədə də danışdı: “Araz axırıncı oyuna 5-6 ay əvvəl çıxmışdı. Bir ay əvvəl zədəsi vardı. Dünən 90 dəqiqə oynatdıq. Yəni istəyirdik bir az çıxsın, sonra əvəzləyək ki, zədəsi yenilənməsin. Amma məcbur qaldı. Bu qədər uzun müddətdi oyuna çıxmayan birinin belə performas göstərməsi məni təəccübləndirdi. Transfer təkliflərinə gəlincə, variantlar olur. Mənə çox zəng gəlir. Amma vaxtım yoxdu ki, kimisə formaya salım. Konkret bilsəm ki, mənə kömək edəcək, onda gətirəcəm. Ona görə də aylardı klubsuz qalan futbolçu mənə lazım deyil. Onu öyrətməyə vaxtım yoxdu. Alınsa, yeni transfer olacaq, alınmasa, belə davam edəcəyik”.