"Daha iddialı və peşəkar komanda olmaq istəyirik. Məqsədimiz 1-ci divizionda çıxış etməkdi. Hazırda aidiyyatı qurumlardan razılıq gözləyirik. Hətta 1-ci divizionda çıxışımıza icazə verilsə, komandamıza sponsor da tapmışıq. Amit Quluzadə ilə danışığımız olub. Həm Azərbaycan çempionatında oynayıb, həm də bir çox olkələrdə legioner həyatı yaşayıb. Onun kimi təcrübəli futbolçunun bizə çox faydası olar.

Bundan başqa, o əslən Füzulidəndi. Sadəcə, məsələ burasındadı ki, Amit 1-ci divizionda çıxışımız rəsmləşəcəyi təqdirdə “Füzili”yə keçməkdə maraqlı olduğunu vurğulayıb. Onunla yanaşı, kənarqa qalan bəzi təcrübəli futbolçuları da heyətə cəlb etməkdə maraqlıyıq. Arzumuz baş tutsa, legionerlər də transfer edəcəyik".