“Qaradağ Lökbatan”a keçidim Sadıq Sadıqovun sayəsində oldu. Görüşdük, komandanın durumunu müzakirə etdik. Sonra qərara gəldik ki, baş məşqçi olacam. O, həmişə idmançılara, gənclərə dəstək olub. Mənə güvəndiyini və komandanı bu durumdan çıxara biləcəyimi dedi. Buna görə də ona təşəkkür edirəm. Bilirəm ki, mənim üçün də məsuliyyətli işdi. Çalışacam ki, əlimdən gələni edib göstərilən etimadı doğrulda bilim. Sözün düzü, təklif gələndə tərəddüd etmədim, belə olsaydı, işə başlamağın da mənası olmazdı. Komandada gənclər çoxdu, işləmək lazımdı. Təcrübə baxımından çətinlik çəkirik. Amma əlimizdən gələni edəcəyik ki, "Qaradağ Lökbatan”ı adına layiq yerlərə gətirə bilək. Ümid edirəm ki, öhdəsindən gələrik. Yaxın müddətdə nələrisə dəyişib, bunun faydasını görəcəyimizə inanıram. Baş məşqçi kimi qarşıma qoyulan hədəf yaxşı oyun və nəticələri yaxşılaşdırmaqdı. Əsas məqsəd bununla bağlıdı. Biz də çalışırıq ki, komanda oyununu daha da artıraq, bu da nəticələrə təsir etsin”.